त्रिशूली–३ ‘ए’ जलविद्युत् आयोजनाको सुरूङभित्रबाट एक जनालाई जीवित उद्धार गरिएको छ।
सुरूङमा फसेकाहरूको खोजी तथा उद्धारमा खटिएका राष्ट्रिय स्वतन्त्र पार्टी (रास्वपा)का सांसद एवम् ईन्जिनियर श्रीराम न्यौपानेले एक जनालाई जीवित उद्धार गरिएको जानकारी आफ्नो फेसबुकमार्फत दिएका छन्।
उनले जीवित उद्धार गरिएका व्यक्तिको तस्बिर पनि फेसबुकमार्फत सार्वजनिक गरेका छन्।
उद्धार गरिएका व्यक्ति सञ्जय शाह रहेको उनले बताएका छन्।
सुरूङ बाहिर निकालिएपछि त्यहीँ सेनाले उनको प्राथमिक उपचार गरिरहेको छ।
सुरूङभित्र अर्का एक जना पनि जीवित रहेको भन्ने सूचना प्राप्त भएको सांसद न्यौपानेले जानकारी दिएका छन्।
सुरूङमा उद्धार र खोजी कार्य भइरहेको उनले बताएका छन्।
-1788492369.png)
-1746009348.jpg)
